Search

<<2017, 2018DSE數學難咗咁多?>> - 考生與家長要知道的數學界神技風雨、以及要怎樣改變溫書策略(3)

上回提要,2017/2018嘅卷深咗,尤其是MC。今次分析一下究竟有無影響到呢份DSE數學卷分人嘅能力。


遊戲規則變咗,分數大執位一啲都唔出奇。個人見解係佢跟考數學嘅宗旨更近,對於分高手區攞5*/5**嘅人係更容易,唔會俾人蒙混過關,亦都唔係做晒pastpaper就可以話自己數學能力好強;但對於中下游分子,係多咗不穩定性同埋絕望感。

數學補習 - 2018DSE Maths 考法大改? 中下游分子災難


a. 高手果部分我諗都唔使點分析,考得愈難愈分得出高下,顯淺道理。


b(i). 中下游分子果部分,其實卷一長題目嚟講,難度不是變化太大,但唔同溫書方法嘅人分數會互換,例如統計學嘅部分,之前好少問最多最少嘅問題,肯多少少用腦嘅學生會答得中,而且唔需要太多運算,所以即使本身攞開lv2,3嘅同學答啱晒我都覺得正常,但反觀只係識記嘢篤計數機嘅就算你攞開lv4,全部唔識都唔出奇。咁樣嘅情況我覺得係好嘅,令到啲人唔會誤會咗死操數就會高分,咁先反映倒真正數學能力。


(b)(ii). 卷二MC因為難度高咗,所以比例上係多咗啲題目係lv2~lv5都會答錯,本身45題,舉個例lv5會答中36題,lv4 30題,lv3 25題,lv2 17題咁計。而家大家分數一齊跌,但高分啲嘅跌幅會更多,大家分數可能會更緊貼,可能lv5 30題,lv4 26題,lv3 22題,lv2 15題。由此可見,跌grade更容易,而且好多人懶做長題目只做MC玩技巧,一跌可能講緊由啱40幾題插落30題什至更少,咁就跌得更多grades。咁點解會有絕望感呢?因為題目難咗幾倍好似書果啲程度3嘅題目,你溫書嘅時候要溫得超深入包埋啲死角位仲要諗得快先可以確保倒自己會做啱啲難嘅題目,如果只係識到程度2嘅題目,咁出到去考試只會係撞撞下,最慘嘅學生係程度2題目識晒但程度3題目就無做,到時都係會撞撞下,搞到自己明明lvl5都好似做到lvl2咁好多都唔識。好就好在MC佔分相對少,大約係全卷35~37%左右,傷得無咁嚴重。MC呢部分因為會將lv4或以下嘅人分數夾得好埋(記住只撞同1個choice都有11條啱),所以分相對低分嘅人係難咗。


總之,喺分人能力方面,高分易分咗;低分嘅人有35%~37%之中嘅可能一半分數嘅題目啲學生分數係相對夾埋一堆 (你當大概20%分啦),所以有部分影響到分lv4或以下嘅人嘅能力。


p.s. 1 如果做數用開不斷死操方法,跌嘅幅度會更大,但呢部分嘅跌幅不能怪出卷果個人,要怪就怪由細到大香港無論由家長到老師到所謂資深教育學者都同你講不斷努力操數數學就會叻。實情係理解、歸納、推理先至係真正的數學,很多學校老師,包括名校就算是精英班的老師都用錯方法


☝呢樣嘢我講就講咗好耐,但你喺中學讀咗6年(可能再加埋小學6年),出卷又係你個老師,你不嬲所謂成功開嘅操數方法可謂鐵定事實,一出到來DSE你怎會想到係唔work。我真係廢盡唇舌都說服唔倒好多人,而家態度係:信就信,唔信就算;信嘅俾多少少意見花多啲心機落你身上都無問題,唔信嘅就俾多啲數你操滿足你要求。


p.s. 2 出卷嘅人其實好難做,兩份卷又要分高手又要分低手,俾得分你執就已經無咗半份卷;出得難嘅,點可能一分起兩分止,最少都10幾20分什至更多先分得出高下。正常嘅話難嘅題目係應該放落去M1M2會更好嘅,不過現況係M1M2讀嘅人少到M1 2000幾人 M2 4000幾人,少過超多選收科,少人讀公信力又自然差啲。呢個唔係兩難局面,係超多難嘅局面

1,108 views0 comments