Search

<<2017, 2018DSE數學難咗咁多?>> - 考生與家長要知道的數學界神技風雨、以及要怎樣改變溫書策略(4)

今日係dse數學應對策略大揭秘,過8招4式俾你!!!

DSE時間不多了,出絕招!



講真, 最理想當然係愈早拋棄只操數嘅概念愈好。 唔係話唔俾操, 只係概念清楚先,邏輯又貫通任督二脈, 跟住先操就一世無憂。 當然咁講法有好多人覺得離地:「 啲細路咁細個邊理得咁多咩邏輯咁複雜」;「 做數最緊要快,諗咁多嘥曬啲時間, 錯或者諗唔到就即刻睇答案」;「 不斷做先至會有成果, 我以前會考都係不斷操數就攞A㗎啦」。 但而家咁操法最多只會得個4或者5。 戴定頭盔先,最終決定權喺家長或者學生身上,至於點樣說服甚至辯論,我最多俾啲大家習慣向錢看嘅解說方法:


市儈啲講句,數學除咗幫到其他科,其實第時出嚟都有用。 而家呢個科技為先嘅大趨勢,我哋成日講人工智能、大數據、 區塊鏈 、financial technology、digital marketing 、3D printing 呢啲大terms背後嘅algorithm全部都係數學, 擺啲心機落去求其一個人工都高過狀元至愛嘅讀醫做律師, 所以唔好本住數學冇乜用嘅心態去讀書🙏


繼續返去理想國度,我俾8招checklist你。

1. 學好解方程,包括有分數、括號 、負數嘅方程。 特別要注意移項並不等如"掟過去", 要慣性減號當成負號睇。善用天秤法概念

2. 學好設方程, 唔好咩題目都唔設數, 亦唔好慣咗小學嗰套,題目問咩就設咩。尤其是讀英數必須搞清題目有邊啲字眼就代表設啲咩,上堂我成日提

3. 學好全等三角形相似三角形證明方法,記住唔係鬥快計答案,係點樣寫得好俾人睇

4. 點樣代入公式,逢代入寫括號

5. 開始要識睇part a part b相連題目,點樣用part a result做part b嘅推理

6. 注意圖形題目,並不是有咩公式就用咩公式, 而係題目有咩資料,再對應問啲咩, 去估計用啲咩公式先係最直接。 記住唔好畫花曬幅圖就當計咗。 呢個部分越高年級推理嘅過程可能越多越煩(包括圓形,3D Trigonometry),一開始做可能一題要用半個鐘都唔出奇,花啲心機

7. 平面坐標嘅方程有什麼意思? 要分得清y=ax^2+bx+c, ax+by+c=0, y=a(x-h)^2+k, y=mx+c 裡面英文字母嘅意思, 全部解得通,先為之識。最好用未知數諗而唔係代個數字落去估

8. 真係唔知點解嘅先至記咗佢, 日後問番專業啲嘅人答你.


講到專業,又係廣告時間。Angus Lo 暑假數學補習班開始咗啦,全程1對4親身教學,有全港九新界名校試卷、DSE分類題目、秒速幫你搵倒死結所在、只要俾得愈多你在校嘅答題卷我睇,從Steps與Steps之間就分析倒愈多你嘅問題癥結喺邊,補足番啲漏洞。請即報名 www.quantalphaelites.com/onlineapplicationform ,完。


俾多4個要習慣的習慣:

1. 好多時難嘅題目嘅用意並不是要你即刻知道啱嘅答案,而係由不斷嘗試錯嘅,去縮短下次答題時間。 唔好羨慕啲叻嘅人點解即刻諗到答案,其實可能佢心裏面已經試咗幾十條錯嘅路

2. 記熟定義, 唔好當做慣做熟、習以為常就一定啱!!!

3. 對答案係做完成條題目先對,唔係做完part a 對一次,做完part b又對一次。 因為咁樣先至可以擺脫依賴感,真正模擬考試裏面嘅情況,唔會考試時候做part a跟住冇得對答案個心囉囉攣,浪費時間

4. 做卷要計時, 睇住時間做人就冇得拖住嚟做, 容易察覺到 邊啲題目唔熟,方便下次溫書


睇完八招四式,不難發現有啲嘢可能係中一開始就要做。 你心諗:呢條友仲唔係離地之王。 但講真嗰句,我哋Alevel都要最少一年半全速讀書先叫揸住幾支A大學讀咩科任揀啦,DSE有冇可能一年貨仔就解決曬由中一開始積累嘅問題呀, 仲有其他科要讀呢, 記住而家係講緊升大學唔係一個會考升中六咁簡單。 我哋呢啲老餅以前成日講 A level個grade就等於會考個grade直接減兩個grades(到而家我哋仲係諗唔明咁咩人會攞倒A或B),而DSE嘅開設係講到明4~5**嘅百分比係按照Alevel A~D嘅百分比而定,所以即使看似內容同會考General maths差唔多,但攞好grade係難咗幾倍。


Sell人讀maths呢件事真係Sales都難做,因為講過啦maths要配合其他嘢先會實用,淨係maths搵個專家都俾個細路笑係咪踢波果時心算下用咩角度力度射埋去先會入呀?!所以都係果句,明就明,唔明就算數。

478 views0 comments